Vinna með bauroc einingar

bauroc einingar má leggja bæði með notkun þunnfúgu (1-3 mm), með bauroc frauðsteypulími (fínkornuðum múr), og með þykkri fúgu (1-2 cm) sé notaður hefðbundinn múr. Við mælum með notkun frauðsteypulíms, þar sem þykkar fúgur orsaka aukið varmatap í útveggjum. Verkið vinnst hraðar séu þunnar fúgur notaðar, veggur byggður með frauðsteypulími er auk þess sléttari og auðveldari til eftirvinnslu. Eftirfarandi leiðbeiningar eiga við veggi, hlaðna með þunnum fúgum.

Allar fúgur skal fylla vandlega með líminu. Það tryggir nauðsynlegan styrk og endingu. Bera skal nægilega mikið lím í fúguna til að það pressist rétt út fyrir brún fúgunnar þegar næsti steinn er lagður. Sé bauroc LÍMSLEÐI notaður, er tryggt að límþykkt sé rétt. Látið lím sem pressast út úr fúgu, harðna í stutta stund, skafið síðan af með bretti eða múrskeið.

Þeggar útveggir eru byggðir úr ECOTHERM+ einingum án frekari varma-einangrunar, mælum við með að leggja límið í tveim ræmum við kanta og skilja eftir loftrými í milli til að auka einangrun. Í ECOTERM+ 375 veggjum á loftrýmið að vera 5-7 cm og í ECOTERM+ 500 veggjum 10-15 cm. Notkun bauroc LÍMSLEÐA tryggir rétta breidd loftrýmisins.

Neðsta röð

Komið ávallt fyrir rakaþéttingu milli sökkuls og neðstu raðar. Leggið neðstu röðina með múr. Staðsetjið fyrstu einingu, og síðan þær næstu þétt saman (lóðrétt fúga er þurr). Athugið að í hverri lóðrétti fúgu hefur a.m.k. annar endi eininganna lóðrétta nót. Stillið neðstu röðina vandlega af með gúmmíhamri og hallamáli. Sé múrinn nægilega harðnaður, skal jafna yfirborð eininganna með slípiklossa og hreinsa af laust ryk

Lóðréttar fúgur

Blandið bauroc FRAUÐSTEYPULÍMI og vatni samkvæmt leiðbeiningum á umbúðum. Hellið síðan í, og fyllið lóðréttar nótir á einingunum til að tryggja þéttleika

MURFOR styrktarborði

Leggið borðann á hreinsað yfirborð neðstu raðar, leggið síðan út FYRSTA límlagið, og síðan næstu röð eininga. Límmagnið á að vera nægilegt til að tryggja nægilega viðloðun við báðar einingaraðirnar, að neðan og ofan.

Næstu raðir

Veljið LÍMSLEÐA m.t.t. breiddar eininganna og hellið FRAUÐSTEYPULÍMI í hann (1). Sleðinn dreifir líminu jafnt á yfirborð neðri raðar. Einnig má bera límið á með límspaða. Staðsetjið næstu einingaröð í límið. Sé heitt í veðri er ráðlegt að væta yfirborð eininga áður en límið er lagt út.

Sögun á einingum

Mest nákvæmni fæst með notkun bandsagar en einnig má saga bauroc einingar með handsög. Athugið að þegar tilsöguð eining er lögð, að a.m.k. annar endi í hverri lóðréttri fúgu hafi nót. Sé límið nægilega harðnað, skal jafna yfirborð eininganna með slípiklossa og hreinsa af laust ryk. Fyllið í nótir í lóðréttum fúgum og færið streng á stýrisúlum upp um eina röð (sjá myndir efst á síðunni). Límið síðan næstu röð eininga. Endurtakið þar til hæð dyra- og gluggaopa er náð. Af jafnaði skal leggja styrktarborða í fjórðu hverja röð, og alltaf ofan á neðstu röð. Leggið einnig styrktarborða undir gluggaop og í fleti sem bera bita yfir opum (900 mm).